Þrjár Guðjohnsen-kynslóðir hrella ÍBV

Sveinn Aron Guðjohnsen fagnar sigurmarkinu gegn ÍBV síðasta haust. Hann ...
Sveinn Aron Guðjohnsen fagnar sigurmarkinu gegn ÍBV síðasta haust. Hann skoraði tvívegis gegn Eyjamönnum í gær. mbl.is/Golli

Þrjár kynslóðir Guðjohnsen-feðga hafa gert Eyjamönnum sérstaklega lífið leitt í upphafi síns ferils og Sveinn Aron Guðjohnsen hélt þeirri hefð gangandi með því að skora tvívegis fyrir Breiðablik í 4:1 sigri á ÍBV í fyrstu umferð Pepsi-deildar karla í knattspyrnu í gær.

Arnór Guðjohnsen hóf sinn meistaraflokksferil 16 ára gamall með því að skora fyrir Víking í 2:0 sigri á ÍBV í Vestmannaeyjum í maí 1978, í sínum fyrsta leik í efstu deild. Arnór er enn í dag leikjahæsti knattspyrnumaður Íslands í deildakeppni frá upphafi með 523 leiki, þar af 452 sem atvinnumaður erlendis. Hann skoraði 7 mörk í fyrstu 12 leikjum Víkings þetta ár en fór síðan beint í atvinnumennsku hjá Lokeren, nýorðinn 17 ára gamall.

Eiður Smári Guðjohnsen, sonur Arnórs, byrjaði sinn meistaraflokksferil 15 ára gamall með Val vorið 1994. Hann skoraði sitt fyrsta mark á ferlinum í Vestmannaeyjum í maí 1994, í annarri umferð deildarinnar, þegar hann tryggði Valsmönnum jafntefli, 1:1, gegn ÍBV.

Þetta sama haust var hann orðinn leikmaður PSV Eindhoven í Hollandi. Eiður hefur leikið fleiri deildaleiki erlendis en nokkur annar íslenskur knattspyrnumaður eða 481 leik samtals, og 504 þegar leikir á Íslandi bætast við.

Fjögur mörk af fimm gegn ÍBV

Sveinn Aron, sonur Eiðs Smára, skoraði sitt fyrsta mark í efstu deild í júní 2017 þegar hann kom inná sem varamaður hjá Val og skoraði sigurmark liðsins, gegn engum öðrum en Eyjamönnum, 2:1.

Ekki nóg með það. Sama haust, í september 2017, var Sveinn Aron kominn til Breiðabliks. Í næstsíðustu umferð deildarinnar skoraði hann sigurmark í uppbótatíma, 3:2, gegn ÍBV, og gulltryggði Kópavogsliðinu áframhaldandi sæti í deildinni.

Sveinn Aron hélt hefðinni gangandi í gær með því að halda áfram að skora gegn ÍBV, tvívegis eins og áður sagði. Hann hefur nú skorað fimm mörk í efstu deild og fjögur þeirra eru gegn ÍBV.

mbl.is
L M Stig
1 Úrúgvæ 3 5:0 9
2 Rússland 3 8:4 6
3 Sádi-Arabía 3 2:7 3
4 Egyptaland 3 2:6 0
L M Stig
1 Spánn 3 6:5 5
2 Portúgal 3 5:4 5
3 Íran 3 2:2 4
4 Marokkó 3 2:4 1
L M Stig
1 Frakkland 3 3:1 7
2 Danmörk 3 2:1 5
3 Perú 3 2:2 3
4 Ástralía 3 2:5 1
L M Stig
1 Króatía 3 7:1 9
2 Argentína 3 3:5 4
3 Nígeria 3 3:4 3
4 Ísland 3 2:5 1
L M Stig
1 Brasilía 3 5:1 7
2 Sviss 3 5:4 5
3 Serbía 3 2:4 3
4 Kostaríka 3 2:5 1
L M Stig
1 Svíþjóð 3 5:2 6
2 Mexíkó 3 3:4 6
3 Suður-Kórea 3 3:3 3
4 Þýskaland 3 2:4 3
L M Stig
1 Belgía 3 9:2 9
2 England 3 8:3 6
3 Túnis 3 5:8 3
4 Panama 3 2:11 0
L M Stig
1 Kólumbía 3 5:2 6
2 Japan 3 4:4 4
3 Senegal 3 4:4 4
4 Pólland 3 2:5 3
Sjá alla riðla