Belgíska knattspyrnufélagið Beerschot frá Antwerpen kynnti nú fyrir stundu Nökkva Þey Þórisson sem nýjan leikmann félagsins.
Beerschot kaupir Nökkva af KA en hann er sem kunnugt er markahæsti leikmaður Bestu deildar karla í ár með 17 mörk fyrir Akureyrarfélagið.
Hann hefur skrifað undir þriggja ára samning við Beerschot með möguleika á framlengingu um eitt ár.
Beerschot er í öðru sæti belgísku B-deildarinnar eftir að hafa fallið úr A-deildinni í vor. Fyrsti leikur Nökkva gæti verið gegn hinu Íslendingaliðinu í deildinni, Lommel, sem Kolbeinn Þórðarson leikur með en Beerschot tekur á móti Lommel á föstudagskvöldið.
Nökkvi Thorisson
— K. Beerschot V.A. (@kbeerschotva) September 6, 2022
✍ 3 seizoenen (+1)
⏩ @KAakureyri
🇮🇸 IJslander
🕰 23 jaar
📍 Spits #WeAre13 #ErreaSport #WelcomeNökkvi pic.twitter.com/XOhtNj3pdA