Í leik Fylkis og KR í Bestu deild karla í knattspyrnu, sem nú stendur yfir, þurfti dómari leiksins, Einar Ingi Jóhannsson, frá að hverfa vegna meiðsla þegar um stundarfjórðungur lifði leiks.
Í hans stað kom varadómarinn Twana Khalid Ahmed, hálfur Íraki og hálfur Kúrdi, sem kom upphaflega hingað til lands sem hælisleitandi og hefur dæmt hér á landi undanfarin ár, þar á meðal í Bestu deild kvenna.
Um er að ræða fyrsta leikinn sem hann dæmir í efstu deild karla í knattspyrnu.
Á síðasta tímabili var hann besti dómari Bestu deildar kvenna samkvæmt einkunnagjöf Morgunblaðsins.