Ísak Bergmann Jóhannesson, landsliðsmaður í knattspyrnu, er 21 árs í dag og fyrir vikið sungu félagar hans í landsliðinu fyrir hann afmælissönginn í upphafi æfingar liðsins á æfingasvæði Újpest í Búdapest í morgun.
Ísak er leikmaður Düsseldorf í þýsku B-deildinni, í láni frá Danmerkurmeisturum FC Köbenhavn. Hann kom inn á sem varamaður í sínum 25. A-landsleik gegn Ísraelsmönnum í fyrrakvöld.