Íþróttir | Íslenski fótboltinn | mbl | 2.4.2024 | 19:00 | Uppfært 3.4.2024 11:56

Spá mbl.is: Tíunda sætið

Fylkismenn björguðu sér frá falli á lokasprettinum á síðasta tímabili og gera það aftur í ár ef spáin gengur eftir. mbl.is/Óttar Geirsson

Fylkir hafnar í tíunda sæti Bestu deildar karla í knattspyrnu á komandi keppnistímabili samkvæmt spá Morgunblaðsins og mbl.is.

Fylkismenn fengu 63 stig í spánni og hafa því betur gegn Vestra og HK í fallbaráttunni og halda sæti sínu í Bestu deildinni.

Þetta er annað ár Fylkis í röð í deildinni og 23. tímabilið á síðustu 25 árum sem félagið er í efstu deild. Fylkir hefur ekki komist ofar en í sjötta sæti frá 2010 en besti árangur Árbæinga er annað sætið árin 2000 og 2002.

Frétt af mbl.is

Spá mbl.is: Tólfta sætið

Fylkir missti tvo helstu sóknarmenn sína, Pétur Bjarnason og Ólaf Karl Finsen, sem og Arnór Gauta Jónsson sem var í stóru hlutverki á miðjunni. Helsti liðsstyrkur Árbæinga fyrir tímabilið er danski miðjumaðurinn Matthias Præst sem hefur leikið í Færeyjum undanfarin tvö ár.

Rúnar Páll Sigmundsson hefur þjálfað Fylki frá haustinu 2021.

Komnir:
Arnar Númi Gíslason frá Breiðabliki (var í láni hjá Gróttu)
Matthias Præst frá HB Þórshöfn (Færeyjum)
Guðmundur Tyrfingsson frá Selfossi
Halldór Jón Sigurður Þórðarson frá ÍBV
Hallur Húni Þorsteinsson frá Haukum (úr láni)

Farnir:
Arnór Gauti Jónsson í Breiðablik
Pétur Bjarnason í Vestra
Frosti Brynjólfsson í Hauka
Sveinn Gísli Þorkelsson í Víking R. (úr láni)
Ólafur Karl Finsen hættur

Fyrstu leikir Fylkis:
7.4. Fylkir - KR
14.4. Fylkir - Vestri
21.4. ÍA - Fylkir
29.4. Fylkir - Stjarnan
5.5. Fram - Fylkir

Lokastaðan:
1 ??
2 ??
3 ??
4 ??
5 ??
6 ??
7 ??
8 ??
9 ??
10 Fylkir 63
11 Vestri 60
12 HK 56