Búinn að samþykkja að taka við Liverpool?

Portúgalinn Rúben Amorim, knattspyrnustjóri Sporting Lissabon, er sagður hafa komist að munnlegu samkomulagi við enska félagið Liverpool um að taka við sem stjóri karlaliðsins í sumar.

Sky í Þýskalandi greinir frá því að Amorim hafi veitt munnlegt samþykki í meginatriðum og að viðræður um þriggja ára samning í Bítlaborginni séu í gangi.

Frétt af mbl.is

Liverpool í viðræðum við portúgalska stjórann

Samkvæmt þýska miðlinum eiga félögin tvö enn eftir að ná saman en samkvæmt heimildum Sky Sports í Liverpool er frétt Sky í Þýskalandi ekki rétt.

Sky Sports greindi frá því í síðustu viku að Amorim væri efstur á óskalista Liverpool og franski miðillinn Foot Mercato greindi frá að viðræður væru hafnar.

Jürgen Klopp lætur af störfum sem stjóri Liverpool í sumar eftir tæplega níu ára starf.

• Blogga um frétt