Rafíþróttamót fyrir einstaklinga með fatlanir er nú haldið í fyrsta skipti í Malasíu. Ber mótið nafnið Para Malasya Esports League 2021, eða Para MEL21.
Stjórnvöld í Malasíu vinna að því að stækka rafíþróttasenuna þar í landi og viðhalda vistkerfi rafíþrótta, og er mótið partur af því ferli. Fyrirtækin Techninier og Esports Integrated sjá um að halda mótið í samvinnu með Malaysian Yourh and Sports Ministry.
Markmið mótsins er að gefa leikmönnum með fatlanir tækifæri til að keppa á landsvísu til að sýna færni sína og koma sér á framfæri.
Keppt er í leiknum PUBG Mobile og er keppni nú þegar hafin og er áætlað að henni ljúki 24. október. Heildarverðlaunafé mótsins er rúmlega 300 þúsund íslenskar krónur.