Þriðja tímabili Rocket League Ísland lauk í gær þegar tvær umspilsviðureignir voru leiknar. Leikið var um sæti í Turf-deildinni og fyrstu deild RLÍS.
Leiknar voru viðureignir í umspili um sæti í bæði Turf-deildinni og fyrstu deild RLÍS. Báðar viðureignir voru best-af-sjö.
354 esports, sem unnu fyrstu deildina, tryggðu sér sæti þannig í Turf-deildinni. Liðið Breaking Sad lenti í öðru sæti og fengu því sæti í umspili við Pandabois, sem lentu í næstneðsta sæti í Turf-deildinni, um sæti í Turf-deildinni
Liðið bluelaGOONS vann aðra deildina og tryggði sér þannig sæti í fyrstu deildinni. Liðið 1nfinity Esports lenti í öðru sæti í annarri deild og tryggðu sér sæti í umspili á móti Wannabees, sem voru í næstneðsta sæti í fyrstu deildinni, um sæti í fyrstu deildinni.
Wannabees og 1nfinity Esports mættust í fyrri umspilsviðureign kvöldsins. Viðureignin var mjög spennandi og skiptust liðin á að sigra leiki. Lokastaða viðureignarinnar var 4-3 fyrir 1finity Esports.
Með sigrinum tryggðu 1nfinity Esports sér sæti í fyrstu deild RLÍS á næsta tímabili, en Wannabees falla niður í aðra deild.
Breaking Sad og Pandabois mættust í seinni umspilsviðureign kvöldsins. Viðureignin var einhliða í hag Breaking Sad sem sigruðu örugglega 4-0.
Breaking Sad náðu með sigrinum að tryggja sér sæti í Turf-deildinni á næsta tímabili, en Pandabois falla niður um deild og spila í fyrstu deildinni á næsta tímabili.
354 esports og Breaking Sad eru nú komin í deild þeirra bestu í Rocket League á Íslandi. Það verða því tvö ný lið í bæði fyrstu og Turf-deildinni á næsta tímabili og verður forvitnilegt að fylgjast með gengi liðanna.