Vinsældir húðflúra halda áfram að aukast og teygja sig jafnframt inn í heim tölvuleikja.

Call of Duty býður nú upp á að flúra persónur innanleikjar með „húðflúrum sem ekki þarf að fela fyrir mömmu“.

Á opinbera Twitter-aðgangi Call of Duty var tíst frá nýjum pakka sem felur í sér flúr eftir þrjá þekkta og virta húðflúrara. Þar á meðal Nikko Hurtado sem er talinn vera einskonar goðsögn í geiranum.

Musterið skreytt

„Loksins, húðflúr sem þú þarft ekki að fela fyrir mömmu. Spilled Ink-pakkinn er aðgengilegur núna og býr að sérhönnuðum húðflúrum,“ segir í tístinu ásamt nöfnum listamannanna.

Listamennirnir þrír, Nikko Hurtado, Scott Campbell og Ryan Ashley Malarkey, gáfu sér tíma til þess að hanna sérstök húðflúr fyrir leikinn. Nú þegar er hægt að eignast þau með Spilled Ink-pakkanum.

Þá geta leikmenn skreytt líkama persónu sinna með glænýjum og einstökum húðflúrum. Ólík húðflúrum raunheima, geta leikmenn tekið þessi af og skipt um án nokkurra vandamála.

Tengdar fréttir

Call of Duty

Endurgera vinsælan skotleik

• Vinna leiki án þess að gera neitt
• Körfuboltastjarna að mæta í orrustu
• Fyrstur að safna milljón vinnur
• 11 ára gamall leikur trónir á toppi vinsældarlista

» Fleiri tengdar fréttir

• Blogga um frétt