Fjórir nýir ganga berserksgang á fyrsta tímabilinu
Setja bókamerki
/frimg/1/41/17/1411729.jpg)
Fyrsta tímabilið í World of Warcraft Dragonflight er hafið og með því geta leikmenn unnið fjölda nýrra verðlauna og afreka með ýmsu móti.
Nýtt PvP-tímabil er einnig hafið ásamt því að ný ránsferð (e. Raid) hefur verið kynnt til leiks. Fjórir nýir heimsendakarlar (e. World Boss) munu nú ganga berserksgang um Drekaeyjarnar en margt fleira bíður leikmanna innan World of Warcraft.
Ráðist inn í Goðsagnahvelfingu Holdgervinganna
Nýja ránsferðin heitir „Goðsagnahvelfing Holdgervinganna“ (e. Vault of the Incarnates) og er spilanleg í Venjulegri, Hetju- og Mythic-erfiðleikastillingu. Að sama skapi lofar Blizzard vikulegu viðhaldi á henni.
„Prímalistarnir brutust inn í Títan-fangelsið sem áður hafði haldið Holdgervingunum í árþúsundir. Innan þess framkvæmir Raszageth ljótan helgisið til þess að frelsa systkin svo þau geti losnað undan áhrifum Títans,“ segir Blizzard um ránsferðina.
„Hetjur Azeroth verða að ráðast á þetta óviðráðanlega virki og brjóta niður varnir þeirra til þess að binda enda á þessa ógn.“
Spilað milli flokka
Víxlspilun flokka (e. cross-faction) stendur leikmönnum til boða í Mythic-stillingu ránsferðarinnar nú þegar.
Sextán leikmenn, af tuttugu, þurfa að vera í sama félagi (e. guild) og flokki (e. faction) til þess að geta fengið inngöngu í Frægðarhöllina (e. Hall of Fame) og hlotið verðlaunin sem fylgja.
Ganga berserksgang sitt á hvað
Líkt og kemur fram efst í fréttinni mega leikmenn búast við því að mæta fjórum nýjum endakörlum.
Endakarlarnir ganga berserksgang sitt á hvað um Drekaeyjarnar í eina viku í senn og fer leirvængurinn Basrikron (e. Basrikron, The Shale Wing) fyrstur á stjá.
Ásamt Basrikron mun Skelfingarloginn Bazual (e. Bazual The Dreaded Flame) láta sjá sig ásamt Framtíðarmeininu Lisaknoth (Lisaknoth, the Futurebane) og Himnaeymdinni Strunaraan.
Nánar um þetta, nýju verðlaunin, nýja PvP-tímabilið, má lesa í tilkynningu frá Blizzard.
Hefur ekki upplýsingar um ráðningu Karenar
Framboð Viktors metið gilt
Stofna framkvæmdanefnd um málefni Grindavíkur
Stjórnvöld hafa tvo mánuði til að bregðast við
Halla svarar fyrir útgjöldin hjá Orkustofnun
Tveir milljarðar tapast vegna vatnsskorts
90% samþykktu verkfallsaðgerðir
