Flestir væru til í að spila á íslensku

Ljósmynd/Colourbox

Langmest af því afþreyingarefni sem er í boði á Íslandi er aðgengilegt á íslensku en tölvuleikir hafa þó sjaldan verið þýddir yfir á móðurmál landsins eins og gert er til dæmis í Svíþjóð, Danmörku, Þýskalandi, Spáni og í fleiri löndum.

Samkvæmt nýjustu skoðanakönnun rafíþróttavefsins væru þó flestir lesendur vefsins til í að geta spilað tölvuleik á íslensku í stað útlensku.

45,6% svarenda

Þeir sem sögðust vera til í að spila tölvuleik á íslensku voru 45,6% svarenda meðan þeir sem hafa ekki áhuga á því voru 37,4% en 17% svarenda sögðust ekki hafa sterka skoðun á því.

Hér fyrir neðan má sjá skjáskot af niðurstöðum skoðanakönnunarinnar og hefur ný könnun verið sett af stað nú þegar.

Niðurstöður frá skoðanakönnun rafíþróttavefsins.
Niðurstöður frá skoðanakönnun rafíþróttavefsins. Skjáskot/mbl.is
mbl.is
Fleira áhugavert
Fleira áhugavert