Líkir Pútín við Hitler vegna HM

Vladimir Pútín.
Vladimir Pútín. AFP

Boris Johnson, utanríkisráðherra Bretlands, segir að Vladimir Pútín, forseti Rússlands, muni nota heimsmeistaramótið í knattspyrnu sem fram fer þar í landi í sumar til þess að bæta orðspor sitt sem leiðtoga landsins.

Líkir Johnson þá Pútín við Adolfs Hitler í aðdraganda fyrir Ólympíuleikana í Berlín 1936, þegar Hitler var leiðtogi Þýskalands áður en síðari heimsstyrjöldin braust út. 

„Sú tilhugsun að Pútín muni afhenda fyrirliða sigurvegaranna heimsmeistarabikarinn og upphefja sjálfan sig í leiðinni sem leiðtoga þessara spilltu stjórnvalda fyllir mig viðbjóði,“ var meðal annars sagt á breska þinginu.

Afar stirt er á milli Breta og Rússa þessa stundina og hafa breskir ráðamenn meðal annars ákveðið að sniðganga HM. Þá var 23 rússneskum sendiráðsmönnum vísað frá Bretlandi, en ástæðan er sú aðRúss­ar hafa ekki gefið trú­verðug svör um aðkomu sína að morðtil­ræðinu á Skripal-feðgin­in­um, sem voru fórn­ar­lömb eit­ur­efna­árás­ar í Bretlandi í byrj­un mánaðar­ins eins og ít­ar­lega hef­ur verið fjallað um á mbl.is.

mbl.is

Bloggað um fréttina