Eins og mbl.is greindi frá í gær hefur umræða um meinta nauðgun Cristiano Ronaldo gegn bandarískri konu árið 2009 farið á flug á ný. Lögfræðingar kappans hóta því að lögsækja þýska blaðið Der Spiegel sem greindi fyrst frá málinu í fyrra.
Konan er sögð hafa kært atvikið til lögreglu en árið 2010 eiga hún og Ronaldo að hafa náð samkomulagi um greiðslu gegn því að hún talaði aldrei um málið. Spiegel segir að Portúgalinn hafi greitt konunni 42 milljónir króna og að hún hafi skrifað undir samning þess efnis að hún mætti ekki tjá sig um málið opinberlega.
Der Spiegel hefur nú ítrekað það að blaðið standi við fréttaflutning sinn vegna ásakana úr herbúðum Ronaldo. Blaðamaðurinn Christoph Winterbach hefur birt skjöl á Twitter sem eiga að undirstrika að ekki sé um neina falsfrétt að ræða.
„Við unnum í margar vikur í þessu máli áður en fréttin var birt. Við reyndum að tala við konuna, hún vildi það ekki, og gengum á Ronaldo en hann neitaði. Lögfræðingar Ronaldo birtu þá yfirlýsingu þar sem sagði að við hefðum ekkert í höndunum um þessi mál,“ sagði blaðamaðurinn um leið og hann birti hluta þeirra skjala sem Der Spiegel hefur undir höndum.
The statement was not only untruthful (it suggested that we didn't have signed documents and couldn't identify Ronaldo. That was not true, and we proved it), it also suggested that @Cristiano's lawyers didn't abide by the settlement terms. 5/24 pic.twitter.com/5GBuEdf3jQ
— Christoph Winterbach (@derWinterbach) September 30, 2018
25/24: This is an excerpt from the police report from June 13, 2009 when Kathryn Mayorga called police to report about the alleged rape committed by Cristiano Ronaldo but refused to say his name. "Type 426" is Police code for sexual assault. pic.twitter.com/WsLgqmcSPi
— Christoph Winterbach (@derWinterbach) September 30, 2018