Brasilíska knattspyrnugoðsögnin Pelé er á batavegi og verður væntanlega útskrifaður af Albert Einstein-spítalanum í São Paulo á næstu dögum.
Hinn 82 ára gamli Pelé hefur glímt við heilsubrest að undanförnu og legið á sjúkrahúsi með sýkingu í öndunarfærum, eftir kórónuveirusmit. Þá er hann einnig í lyfjameðferð vegna krabbameins.
Í yfirlýsingu spítalans í dag kemur fram að Pelé sé á batavegi og hann verði að öllu óbreyttu útskrifaður af sjúkrahúsinu á næstu dögum.
Fjölmiðlar í Brasilíu greindu frá því á dögunum að Pelé væri kominn á líknandi meðferð, en hann virðist nú á batavegi.