Eins og staðan er í dag eru þær Ólafía Þórunn Kristinsdóttir úr GR og Valdís Þóra Jónsdóttir úr Leyni báðar á meðal þeirra sextíu kylfinga sem myndu fá boð um að keppa í kvennaflokki í golfi á Ólympíuleikunum í Tókíó 2020.
Þetta kemur fram á vef Golfsambands Íslands viðamikið kvótakerfi er í gangi varðandi þátttökurétt keppenda og er það gert til þess að sem flestar þjóðir eigi möguleika á að koma keppendum inn á ÓL. Eins og í öðrum greinum þá eru takmörk fyrir því hversu margir keppendur geta verið frá sama þjóðerni.
Í golfinu eru geysilega margar konur í heimsklassa sem koma frá Suður-Kóreu, Tælandi og Bandaríkjunum svo einhver ríki séu nefnd. Eykur það möguleika okkar kvenna hvað Ólympíuleikana snertir.
Hér má sjá umfjöllunina hjá GSÍ.