Handboltamaðurinn Óðinn Þór Ríkharðsson hefur farið nokkuð vel af stað með GOG í Danmörku, en hann gekk til liðs við félagið frá FH fyrir leiktíðina.
Hornamaðurinn skoraði þrjú mörk í 32:29-tapi á útivelli fyrir Skandeborg á laugardaginn var, en eitt markið hefur vakið töluvert meiri athygli en hin tvö.
Óðinn fór svellkaldur í hraðaupphlaup og skoraði ótrúlegt mark, sem Rasmus Boysen, leikmaður Ribe-Esbjerg var afar hrifinn af. Svo hrifinn að hann ákvað að deilda myndbandi af markinu á Twitter-reikningi sínum. Boysen segir að um íslenska töfra sé um að ræða.
Þetta magnaða mark má sjá í myndskeiðinu hér að neðan.
Some Icelandic magic from Odinn Thor Rikhardsson🤙🏻
— Rasmus Boysen (@RasmusBoysen92) November 10, 2018
(Via: @tv2danmark)#handball #hndbld #herreligaen #handbolti pic.twitter.com/87Q3dTD5bk