Eintracht Hagen hafði betur gegn Dormagen á útivelli, 32:28, í B-deild Þýskalands í handbolta í kvöld.
Eyjamaðurinn Hákon Daði Styrmisson var markahæstur á vellinum með tíu mörk fyrir Hagen-liðið, sem er í fjórða sæti með 32 stig.
Tumi Steinn Rúnarsson skoraði tvö mörk fyrir Coburg í 25:27-tapi á útivelli gegn Hüttenberg. Coburg er í sjötta sæti með 29 stig.
Í efstu deild skoraði Elvar Örn Jónsson fjögur mörk fyrir Melsungen í 26:25-heimasigri á Lemgo. Arnar Freyr Arnarsson komst ekki á blað hjá Melsungen, sem er í fjórða sæti með 35 stig eftir 26 leiki.