Manuel Neuer landsliðsmarkvörður Þjóðverja í knattspyrnu og leikmaður Bayern München er í 27 manna landsliðshópi Þjóðverja sem tilkynntur var í dag.
Neuer, sem er fyrirliði þýska landsliðsins, hefur verið frá keppni vegna meiðsla síðan í september og það er enn óvíst hvort hann verði valinn í lokahópinn sem spilar á HM.
Mario Götze, sem tryggði Þjóðverjum heimsmeistaratitilinn í Brasilíu fyrir fjórum árum, hlaut ekki náð fyrir augum landsliðsþjálfarans Joachim Löw, sem valdi einn nýliða í hópinn, framherjann Nils Petersen, leikmann þýska liðsins Freiburg.
Here it is! 📋 The provisional #DieMannschaft squad for the 2018 #WorldCup! 🇩🇪🏆 #ZSMMN pic.twitter.com/7HxNQaeU8s
— Germany (@DFB_Team_EN) May 15, 2018