Mascherano hættur með landsliðinu

Javier Mascherano er hættur að leika með argentínska knattspyrnulandsliðinu. Þetta staðfesti hann eftir 4:3-tapið fyrir Frökkum í 16-liða úrslitum á HM í dag. 

Það er kominn tími á að kveðja og leyfa yngri leikmönnum að koma inn í liðið," sagði miðjumaðurinn við fréttamenn eftir leik. „Nú er ég orðinn einn af stuðningsmönnum liðsins," bætti hann svo við. 

Mascherano spilaði alla fjóra leki Argentínumanna á HM og lék hann alls á fjórum heimsmeistaramótum. Hann lék sinn fyrsta landsleik árið 2003 og spilaði alls 147 landsleiki, en enginn hefur leikið eins oft fyrir Argentínu. 

• Blogga um frétt