Svo skemmtilega vildi til að fimm leikmenn sem bera sama fjölskyldunafnið, án þess þó að vera skyldmenni, voru í byrjunarliði Suður-Kóreu í markalausu jafntefli gegn Úrúgvæ á HM í knattspyrnu karla í Katar í dag.
Í markinu hjá Suður-Kóreubúum stóð Kim Seung-Gyu og í fjögurra manna vörn voru svo þeir Kim Moon-Hwan, Kim Min-Jae, Kim Young-Gwon og Kim Jin-Su.
Allir fimm léku allan leikinn í dag og hjálpuðu liðinu að halda hreinu.
Einn Kim til viðbótar er í leikmannahópnum hjá Suður-Kóreu á HM, Kim Tae-Hwan, og er hann sömuleiðis varnarmaður.