Kvennalandslið Íslands í körfuknattleik er komið til Svartfjallalands þar sem það mætir heimakonum í höfuðborginni Podgorica í kvöld kl. 18 að íslenskum tíma í undankeppni Evrópumótsins.
Svartfellingar eru efstir í riðlinum með tvo sigra í þremur umferðum, eins og reyndar bæði Bosnía og Slóvakía, en Ísland hefur tapað öllum þremur leikjum sínum. Svartfjallaland vann Ísland 84:62 í fyrstu umferðinni í Laugardalshöllinni í nóvember þar sem hin hávaxna Jelena Dubljevic skoraði 30 stig.
Ísland mætti Bosníu ytra á laugardag og mátti þá sætta sig við stórtap, 97:67.