Davíð Tómas má ekki dæma hjá ÍR

Körfuboltadómarinn Davíð Tómas Tómasson, hefur ekkert dæmt í úrslitakeppni Íslandsmóts karla síðan hann dæmdi oddaleik Tindastóls og Þórs Þ. í átta liða úrslitunum í upphafi mánaðar.  

Davíð Tómas dæmir fyrir KR og má hann því ekki dæma leiki í einvígi KR og Þórs Þorlákshafnar í undanúrslitum. Hann hefur hins vegar ekki heldur dæmt leiki í einvígi Stjörnunnar og ÍR og ekki einn einasta leik hjá ÍR á árinu. Ástæða þess er Instagram-færsla sem Davíð birti. Vísir.is greindi frá. 

Í færslunni er mynd af Davíð ásamt Matthíasi Orra Sigurðarsyni, leikmanni ÍR. Við myndina stendur núna „@ the office“ eða á skrifstofunni. Það stóð ekki upprunalega við myndina, heldur var þar tilvísun í tengsl Davíðs og Matthíasar við Vesturbæ Reykjavíkur. Vegna þessa fær hann ekki að dæma leiki með ÍR. 

Davíð hefur haft nóg að gera í úrslitakeppninni í kvennaflokki því hann hefur dæmt tvo af fjórum leikjum í einvígi Keflavíkur og Stjörnunnar í undanúrslitum og hefur hann einnig dæmt leiki í úrslitakeppni 1. deildar karla. 

Hér að neðan má sjá færsluna sem um ræðir. 

<div> <div></div> <div> <div></div> <div></div> </div> </div><div></div><div></div><div> <div>View this post on Instagram</div> </div>

<a href="https://www.instagram.com/p/Bs7yyZTALg9/?utm_source=ig_embed&amp;utm_medium=loading" target="_blank">@ the office</a>

A post shared by <a href="https://www.instagram.com/dabbi_t/?utm_source=ig_embed&amp;utm_medium=loading" target="_blank"> Davíð Tómas Tómasson</a> (@dabbi_t) on Jan 22, 2019 at 2:56am PST

• Blogga um frétt