Lakers tapaði stórt í nótt

Jokic sækir að körfunni í leiknum í nótt.
Jokic sækir að körfunni í leiknum í nótt. AFP

Tíu leikir fóru fram í NBA-deildinni í körfubolta í Bandaríkjunum í gær. Los Angeles Lakers tapaði 133:96 fyrir Denver Nuggets þar sem hinn serbneski Nikola Jokic gerði þrefalda tvennu.

LeBron James var stigahæstur í liði Lakers en hann skoraði 25 stig og tók níu fráköst. Russell Westbrook kom næstur með 19 stig. Jokic skoraði 17 stig, tók 12 fráköst og gaf 13 stoðsendingar en stigahæsti maður vallarins var Bones Hyland sem kom af bekknum hjá Denver og skoraði 27 stig.

Toronto Raptors vann 103:96 sigur á ríkjandi meisturunum í Milwaukee Bucks. Pascal Siakam átti frábæran leik í liði Toronto en hann skoraði 30 stig, tók 10 fráköst og gaf 10 stoðsendingar.

Þá vann Brooklyn Nets 120:105 sigur á New Orleans Pelicans. James Harden var stigahæstur Brooklyn-manna með 27 stig, en hann gaf einnig 15 stoðsendingar og tók 8 fráköst. Kevin Durant spilaði einungis rúmlega 12 mínútur vegna meiðsla og skoraði á þeim 12 stig.

Öll úrslit næturinnar má sjá hér að neðan.

Toronto Raptors 103:96 Milwaukee Bucks

Portland Trail Blazers 115:110 Washington Wizards

New York Knicks 117:108 Atlanta Hawks

New Orleans Pelicans 105:120 Brooklyn Nets

Philadelphia 76'ers 109:98 Miami Heat

Cleveland Cavaliers 107:102 Oklahoma City Thunder

Chicago Bulls 112:114 Boston Celtics

Los Angeles Clippers 94:101 San Antonio Spurs

Los Angeles Lakers 96:133 Denver Nuggets

Orlando Magic 92:108 Dallas Mavericks

mbl.is