Njarðvík vann í kvöld heimasigur, 87:73, á Þór frá Þorlákshöfn í fyrsta leik úrslitakeppninnar á Íslandsmóti karla í körfubolta.
Njarðvík lagði grunninn að sigrinum með góðum fyrri hálfleik, en staðan eftir hann var 51:38.
Þórsarar minnkuðu muninn aðeins í þriðja leikhluta og var staðan fyrir fjórða og síðasta leikhlutann 67:57. Njarðvík hleypti Þór hins vegar ekki nær sér og fagnaði sannfærandi sigri.
Dwayne Lautier-Ogunleye skoraði 28 stig fyrir Njarðvík. Þorvaldur Árnason gerði 17. Nigel Pruitt skoraði 16 fyrir Þór. José Medina gerði 13.