Frábær nýting Jókersins
Setja bókamerki
Serbinn Nikola Jokic fór á kostum í liði Denver Nuggets þegar það hafði betur gegn Minnesota Timberwolves, 116:107, í NBA-deildinni í körfuknattleik í nótt.
Jókerinn gerði sér lítið fyrir og skoraði 41 stig, tók 11 fráköst, gaf sjö stoðsendingar og stal boltanum þrisvar sinnum.
Skotnýting Serbans knáa var þá hreint frábær en hann skoraði úr 16 af 20 skotum sínum utan af velli, sem er 80 prósenta nýting.
Honum gekk ekki jafn vel af vítalínunni þar sem hann skoraði úr sjö af 12 vítaskotum.
Anthony Edwards var stigahæstur í liði Minnesota með 25 stig.
Denver er á toppnum í Vesturdeildinni og Minnesota í öðru sæti og eru bæði lið fyrir nokkru síðan búin að tryggja sér sæti í úrslitakeppni deildarinnar.
Dallas í úrslitakeppnina
Slóveninn Luka Doncic var hársbreidd var þrefaldri tvennu þegar lið hans Dallas Mavericks lagði Miami Heat að velli, 111:92.
Doncic skoraði 29 stig, tók níu fráköst og gaf níu stoðsendingar. Kyrie Irving bætti við 25 stigum.
Dallas er í fimmta sæti Vesturdeildarinnar og er með sigrinum í nótt búið að tryggja sæti sitt í úrslitakeppninni.
Miami er í áttunda sæti í Austurdeildinni og fer að minnsta kosti í umspil um sæti í úrslitakeppninni og á veika von um að tryggja sér beint sæti í henni.
Úrslit næturinnar:
Denver – Minnesota 116:107
Miami – Dallas 92:111
Cleveland – Memphis 110:98
Atlanta – Charlotte 114:115
Brooklyn – Toronto 106:102
Milwaukee – Orlando 117:99
Oklahoma – San Antonio 127:89
LA Clippers – Phoenix 108:124
Hægist á eftir mikinn uppgang
Umdeild einkennismerki lögreglunnar
„Eigum eftir að sjá miklar sviptingar“
Landrisið gæti hafa stöðvast og gosið virðist eflast
Hafa þurft að stugga við fólki
Verið að búa til „óánægju og kergju“