Dow Jones hríðfellur: Lækkaði um 500 stig en rétti lítillega úr kútnum

Dow Jones-hlutabréfavísitalan á Wall Street hefur hríðfallið í dag og fór niður um rúm 500 stig áður en hún rétti lítillega úr kútnum um hálfri klukkustund fyrir lokun. Lækkunin nam mest 546,02 stigum, eða 4,3%. Skömmu fyrir lokun nam lækkunin 360 stigum, eða 2,85%.

Aðrar vísitölur hafa einnig lækkað, og fór Nasdaq mest niður um rúmlega hundrað stig. Eru þessar lækkanir á Wall Street í samræmi við stefnuna á mörkuðum annarstaðar í heiminum, og er ástæðan ótti við að tekið sé að hægja á í efnahagslífinu í Bandaríkjunum og Kína, og að hlutabréf séu orðin ofmetin.

Níu prósenta lækkun varð á hlutabréfum í Kína í dag, en í gær fór vísitalan í Shanghai í methæðir.

Áhyggjur á Wall Street. AP

• 3 blogg um fréttina

Bloggað um fréttina

• Magnús Helgi Björgvinsson: Hlutabréfabrask og spákaupmennska eru skrítin fræði
• Salvör Kristjana Gissurardóttir: Áhrif á Íslandi út af hlutabréfum í Sjanghai
• Margrét Ingibjörg Lindquist: jæja.. er að koma að því...???