Spá enn meiri verðbólgu í aprílmánuði

Vísitala neysluverðs í marsmánuði hækkaði örlítið meira frá fyrra mánuði en greiningardeildir bankanna gerðu ráð fyrir. Hækkunin var 1,47% en deildirnar gerðu ráð fyrir 1,2–1,4% hækkun milli mánaða. Forstöðumenn greiningardeildanna spá því að verðbólgan muni aukast enn frekar í næsta mánuði en hún muni lækka hratt er komið verður fram á sumarið. Það sé þó háð því að krónan hætti að veikjast.

Ingólfur Bender, forstöðumaður Greiningar Glitnis, segir að það sem standi upp úr varðandi mælinguna á vísitölu neysluverðs nú sé að gengisáhrifin hafi komið skjótt fram. Útsölulok séu einnig kröftugur áhrifavaldur og húsnæðisverð hafi hækkað, sem komi nokkuð á óvart.

„Við reiknum með að verðbólgan muni verða enn meiri í næsta mánuði en nú og að 12 mánaða verðbólgan fari þá úr 8,7% nú og upp undir 10%. Það getur varað eitthvað fram á árið, en mun þó ráðast af þróun krónunnar. Þetta verðbólguskot mun síðan væntanlega ganga tiltölulega snögglega yfir, jafnvel á um sex mánuðum, og eftir það mun verðbólgan lækka og verðbólgumarkmið Seðlabankans, 2,5%, nást rétt eftir næsta ár.“

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK