Aukin óvissa um verðlagsþróun næstu mánuði

Óvissa ríkir um þróun fasteignaverðs sem hefur áhrif á verðlagsþróun, ...
Óvissa ríkir um þróun fasteignaverðs sem hefur áhrif á verðlagsþróun, að því er fram kemur í greiningunni. mbl.is/Ómar Óskarsson

Töluverð óvissa ríkir um verðlagsþróun næstu mánuði að mati hagfræðideildar Landsbankans. Samkvæmt greiningu deildarinnar mun vísitala neysluverðs hækka um 0,3% milli mánaða í september. Gert er ráð fyrir hækkun í mat og drykk, hækkun á kostnaði við tómstundir og menningu auk þess sem verð á húsgögnum og heimilisbúnaði muni hækka. 

Þá sé hætta á að verðbólga á næstu mánuðum verði enn meiri en gert sé ráð fyrir í spá bankans, sem spáir hækkun á ársverðbólgu úr 2,6% í 2,8%. Hagfræðideild bankans segir jafnframt að gera megi ráð fyrir að töluvert meiri óvissa ríki um verðlagsþróun næstu mánuði en oft áður og meiri hætta sé á að verðbólgurþróun næstu mánuði kunni að vera fremur vanmetin en ofmetin. 

Óvissa ríkir um þróun fasteignaverðs sem hafi áhrif á verðlagsþróun auk þess sem óvissa um gengisþróun krónunnar hafi aukist töluvert á síðustu dögum. Megi það rekja til óvissu varðandi skuldabréfafjármögnun Wow air. 

mbl.is

Gagnaveitur

Erlendar viðskiptafréttir