Lykilfólk hverfur frá Seðlabankanum

Nýtt skipurit Seðlabanka Íslands var kynnt í gær og tilkynnt að átta starfsmenn muni hverfa frá bankanum við breytingarnar.

Frétt af mbl.is

Átta störf lögð niður

Meðal þeirra sem munu láta af störfum hjá Seðlabankanum eru Jón Þór Sturluson, sem var fram að áramótum aðstoðarforstjóri Fjármálaeftirlitsins, Sigríður Logadóttir, sem var framkvæmdastjóri hjá Seðlabankanum og yfirlögfræðingur, og Anna Mjöll Karlsdóttir, sem var yfirlögfræðingur hjá Fjármálaeftirlitinu.

Einnig lætur af störfum Tómas Örn Kristinsson, framkvæmdastjóri gagnasöfnunar og upplýsingatækni hjá SÍ., að því er fram kemur í umfjöllun um mál þetta í Morgunblaðinu í dag.