Allar vörur Juul bannaðar

Bandaríska matvæla- og lyfjaeftirlitið fyrirskipaði í gær að allar vörur rafrettufyrirtækisins Juul skyldu teknar úr sölu í landinu, þar sem fyrirtækið þykir ekki hafa gegnt vissum öryggiskröfum eftirlitsins.

Lestu meira

Þurftu að ná notandanum með fyrsta skammti

Ákvörðunin, sem Juul hefur sagst munu áfrýja, ryður brautina fyrir samkeppnisaðila til að auka hlutdeild sína á markaðinum sem Juul gnæfði áður yfir.

Fyrirtækið hefur haft um 36% hlutdeild í bandaríska rafrettumarkaðinum að undanförnu, en naut 70% hlutdeildar áður en eftirlitsstofnunin beitti sér gegn bragðtegundum í rafrettum.

Sektargreiðslur

Juul samþykkti í apríl að greiða 22,5 millj­ónir dala, eða um þrjá millj­arða ís­lenskra króna, í skaðabæt­ur fyr­ir að markaðssetja vör­ur sér­stak­lega fyr­ir ung­linga og logið til um hversu ávana­bind­andi þær eru.

Á síðasta ári borgaði fyr­ir­tækið 14,5 milljóna dala sekt í Arizona-ríki og lofaði í kjöl­farið að hætta að markaðssetja fyr­ir ung­menni. Nokkr­um mánuðum síðar greiddi Juul 40 millj­óna dala sekt í Norður-Karólínu. Fyr­ir­tækið hef­ur átt í svipuðum dóms­mál­um í Kali­forn­íu og New York.

• Blogga um frétt