Þetta segir Sæunn Ósk Unnsteinsdóttir, framkvæmdastjóri Hopp Reykjavik, en fyrirtækið opnar af fullum krafti fyrir leigubílaþjónustu sína á morgun. Síðastliðna viku hefur fyrirtækið prófað hugbúnað þann sem liggur að baki þjónustunni. Hann er þróaður hér á landi en svipar í mörgu til hinnar alþjóðlegu tækni sem kennd er við fyrirtækið Uber.

Frétt af mbl.is

Tugir deilibíla komnir á götuna

Sæunn Ósk segir að Hopp sé nú þegar komið með um 50 bílstjóra sem hyggist aka undir merkjum fyrirtækisins og flest stefni í að þeim muni fjölga verulega á komandi dögum og vikum. Mikil eftirspurn sé eftir þjónustu sem byggist á notendavænu viðmóti.

Það sem greinir þjónustu Hopp frá þeirri sem rótgrónu leigubílastöðvarnar bjóða er að fólk pantar og greiðir fyrir ferðir sínar áður en lagt er af stað. Þá geta notendur gefið ökumönnum einkunn fyrir veitta þjónustu og hið sama gildir um möguleika bílstjóranna gagnvart notendum tækninnar.

Sæunn Ósk, sem er nýjasti gestur Dagmála, segir að með nýrri nálgun á þennan hluta samgöngukerfisins megi bæta þjónustuna og lækka verð til neytenda. Það muni skila sér í aukinni notkun sem aftur dragi úr álagi á samgöngumannvirki landsins. Hopp starfrækir nú þegar þúsundir rafskúta í borgarlandinu og nýta þúsundir manna sér þjónustu og tækni fyrirtækisins á hverjum einasta degi.

Viðtalið við Sæunni má sjá og heyra hér:

Setja farþegana í fyrsta sætið

Tengdar fréttir

Dagmál

Verður að vinna Pennsylvaníu: „Hún er á flugi“

• Eitrað vinnuumhverfi í kringum Kamölu rifjað upp
• „Hleypti nýju lífi í kosningabaráttu demókrata“
• Leigusali tilkynni um forgangsrétt
• Erfiðara að skipta um leigjanda

» Fleiri tengdar fréttir