Coca-Cola nýr aðalstyrktaraðili FKA

Coca-Cola á Íslandi er nýr aðalstyrktaraðili FKA, á afmælisári FKA sem nú er gengið í garð.

Í tilkynningu frá FKA kemur fram að markmiðið með samstarfinu sé að senda skýr skilaboð út um mikilægi þess að jafna hlut kynjanna í atvinnulífinu, setja jafnrétti á dagskrá og hlúa að okkur til að ná jafnvægi í leik og starfi.

„Við hjá Coca-Cola erum afar ánægð að leggja okkar lóð á vogarskálarnar og styðja við FKA á 25 ára afmælisári félagsins. FKA hefur gegnt afar mikilvægu hlutverki í sögu jafnréttisbaráttunnar á Íslandi og er ómissandi hreyfiafl í baráttunni um að jafna stöðu kynjanna í atvinnulífinu,” segir Anna Regína Björnsdóttir, forstjóri Coca-Cola á Íslandi þegar undirritaður var samstarfssamningur við Félag kvenna í atvinnulífinu, FKA.

Unnur Elva Arnardóttir, formaður FKA, segir í tilkynningunni að mikil ánægja sé innan FKA með samkomulagið.

 „Við komum til með að vinna að sameiginlegum markmiðum í þá átt að jafna tækifæri kynjanna í atvinnulífinu, að standa þétt saman til að stuðla að auknu jafnrétti því að samfélagið okkar skiptir okkur gríðarlegu miklu máli,“ segir Unnur Elva.

• Blogga um frétt