Salome á leið til Transition labs

Salome Hallfreðsdóttir nýr framkvæmdastjóri Rastar sjávarrannsóknarseturs
Salome Hallfreðsdóttir nýr framkvæmdastjóri Rastar sjávarrannsóknarseturs

Salome Hallfreðsdóttir hefur verið ráðin sem framkvæmdastjóri Rastar sjávarrannsóknarseturs, en það er nýstofnað dótturfélag Transition labs. Hún kemur til fyrirtækisins frá matvælaráðuneytinu, þar sem hún var sérfræðingur á skrifstofu sjálfbærni, en hún hefur einnig verið framkvæmdastjóri Landverndar.

Hlutverk Salome verður að byggja upp starfsemi Rastar í samstarfi við Carbon to Sea Initiative sem er óhagnaðardrifin bandarísk sjálfseignarstofnun. Markmiðið er að efla alþjóðlegar rannsóknir og þekkingu á hlutverki hafsins við að fanga og binda gróðurhúsalofttegundir úr andrúmsloftinu.

Salome er umhverfisfræðingur að mennt. Hún lauk B.Ed. gráðu í kennslu náttúrugreina í Kennaraháskóla Íslands árið 2005 og árið 2011 lauk hún M.Sc gráðu í umhverfisfræðum frá Háskólanum í Lundi í Svíþjóð.

Áður hefur Salome starfað sem sérfræðingur í umhverfis- og auðlindaráðuneytinu, ráðgjafi í umhverfismálum hjá Environice og sem verkefnastjóri og síðar framkvæmdastjóri Landverndar.

Transition labs er fyrirtæki sem leitar að erlendum loftlagsverkefnum og aðstoðar við að koma þeim á legg hér á landi og auðveldar þeim að skala fyrirtækin upp í rekstrarhæfa stærð. Fyrirtækið á í samstarfi við sum af metnaðarfyllstu loftslagsverkefnum heims. Að baki stofnun Transition Labs standa Davíð Helgason, stofnandi Unity og Kjartan Örn Ólafsson, frumkvöðull og tæknifjárfestir.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Loka