Netöryggisfyrirtækið Syndis hefur stofnað nýtt félag um hugbúnaðarlausnina Aftra.
Aftra er lausn sem kortleggur stafrænt fótspor fyrirtækja til þess að koma auga á hugsanlega veikleika sem hakkarar gætu nýtt sér.
Björn Orri Guðmundsson er framkvæmdastjóri fyrirtækisins, Sindri Guðmundsson er tæknisstjóri og Stefanía Berndsen sölu- og markaðsstjóri.
„Aftra byggir á aðferðarfræði hakkara og býður upp á ytri og innri veikleikaskönnun, vef-veikleikaskönnun og sjálfvirka árásarflataruppgötvun. Markmið lausnarinnar er að hjálpa stjórnendum að skilja og taka aukna ábyrgð á netöryggi sinna fyrirtækja. Stjórnendur fá aðgang að einföldu mælaborði sem gefur þeim öryggiseinkunn út frá þeim veikleikum sem kunna að finnast,” segir í tilkynningu.