Nokkrar breytingar urðu á stjórn Félags kvenna í atvinnurekstri (FKA) í kjölfar aðalfundar félagsins sem haldinn var fyrir helgi.
Unnur Elva Arnardóttur, forstöðumaður hjá Skeljungi, er áfram formaður félagsins. Andrea Ýr Jónsdóttir, framkvæmdastjóri Heilsulausna og hjúkrunarfræðingur, var sjálfkjörin ritari FKA, Guðrún Gunnarsdóttir, framkvæmdastjóri Fastus, var endurkjörin varaformaður og Ingibjörg Salóme Sigurðardóttir, framkvæmdastjóri og eigandi Gæludýr, var kjörin gjaldkeri.
Þá var Guðlaug Hrönn Jóhannsdóttir, eigandi og framkvæmdastjóri GET Ráðgjafar, einnig kjörin í stjórn en Grace Achieng, stofnandi og framkvæmdastjóri Gracelandic, og Helga Björg Steinþórsdóttir, stofnandi og meðeigandi AwareGO, hefja sitt seinna ár í stjórn félagsins.
Dóra Eyland hjá Golfklúbbi Reykjavíkur og Bergrún Lilja Sigurjónsdóttur, sviðstjóri hjá Vinnueftirlitinu, viku úr stjórn en þær gáfu ekki kost á sér.
„Við kynntum stjórnir nefnda á fundinum, glæsilega fulltrúa sex nefnda félagsins fyrir næsta starfsár,“ segir Andrea Róbertsdóttir, framkvæmdastjóri FKA, í tilkynningu.
„Ráðin fara á flug í haust, félagið hefur aldrei verið stærra, hreyfiaflsverkefnin okkar hafa sannarlega sprungið út, landsbyggðadeildum fjölgar og Austurland er nýjasta landsbyggðadeildin.“
Fram kemur að opnunarviðburður FKA verður haldinn 5. September nk. en fjölmargir viðburðir á vegum félagsins verð haldnir á næstunni. Má nefna Uppskeruhátíð, aðalfund og fyrirtækjakynningar Atvinnurekenda AUÐS, aðalfund FKA Framtíðar, ganga með Platínuhópi FKA og margt fleira.