Sala á nýjum fólksbílum frá áramótum til 29. febrúar sl. jókst um 72,9% miðað við sama tíma á síðastliðnu ári. Fjórir bílar af hverjum tíu seldum fóru til bílaleiga.
Nýskráðir fólksbílar á þessu tímabili voru 2.267 á móti 1.312 miðað við sama tímabil 2015. Er það aukning um 957 bíla, samkvæmt upplýsingum frá Bílgreinasambandinu .
Þar af eru nýskráðir bílaleigubílar 892 eintök, eða sem svarar 85% af nýskráningunum. Á sama tíma fyrir ári voru nýskráðir bílaleigubílar 388.
„Þó sala til einstaklinga og fyrirtækja hafi tekið við sér á síðasta ári og áframhald sé á þeirri þróun þá er sú fjölgun sem á sér stað í fjölda ferðamanna aðal drifkraftur í sölu nýrra bíla eins og sjá má á nýskráningartölum segir,“ segir Bílgreinasambandið.
Í febrúarmánuði einum og sér varð 65,8% aukning í nýskráningum fólksbíla, samanborið við febrúar í fyrra.