Innkalla 113 Ford Edge-bifreiðar

Neytendastofu hefur borist sú tilkynning frá bílaumboðinu Brimborg að innkalla þurfi díselknúnar Ford Edge-bifreiðar af árgerðunum 2015 til 2018. Alls eru þetta 113 bifreiðar. 

Fram kemur á vef Neytendastofu, að ástæða innköllunarinnar sé að hersla á kúplingu fyrir loftkælingu sé mögulega ekki í lagi.

Viðgerð felst í að skipta um kúplingu fyrir loftkælingu og er viðgerðin eigendum að kostnaðarlausu.

Eigendum þessara bifreiða verður tilkynnt um innköllunina bréfleiðis, að því er Neytendastofa greinir frá.

Hún hvetur bifreiðaeigendur til að fylgjast vel með hvort verið sé að innkalla þeirra bifreiðar og hafa samband við umboðið ef þeir eru í vafa.

• Blogga um frétt