Brimborg frumsýnir glænýjan Ford Ranger

Glænýr Ford Ranger pallbíll verður frumsýndur laugardaginn 5. október í Brimborg, bæði í Reykjavík og á Akureyri, frá klukkan 12 til 16.

Nýr fjórhjóladrifinn Ford Ranger er mest seldi pallbíll í Evrópu, að því er segir í tilkynningu frá Brimborg. „Hann er sérlega sterkbyggður fyrir allskonar verkefni hvort sem er til vinnu eða vegna áhugamála og er nú með enn meiri tækni en nokkru sinni fyrr.  Hann er einstaklega öflugur og öruggur á erfiðum vegum og slóðum, hár frá vegi með 23,7 sm veghæð og vaðdýptin er 80 sm og það er lítið mál að skipta á milli framdrifs og fjórhjóladrifs,“ segir þar.

Í fyrsta skipti er Ford Ranger með innbyggðu FordPass Connect. Öryggisbúnaðurinn er einnig mjög mikill, þar má nefna árekstrarvara sem skynjar einnig gangandi og hjólandi vegfarendur, veglínuskynjara, umferðaskiltalesara, hraðastilli og fleira.

Ford Ranger verður fáanlegur í þremur búnaðarútfærslum eða Raptor og Wildtrak með 213 hestafla sparneytinni dísilvél sem togar 500 Nm og nýrri háþróaðri 10 gíra sjálfskiptingu og XL útgáfu með 170 hestafla sparneytinni dísilvél sem togar 420 Nm og 6 gíra beinskiptingu.

XL útgáfan er sérstaklega hönnuð fyrir verktaka og aðra sem vilja einfaldan en traustan pallbíl til daglegra nota í vinnu á verkstað.

Ranger Wildtrak Double Cab 4x4 sjálfskiptur verð frá 7.690.000 kr.

Ranger Raptor Double Cab 4x4 sjálfskiptur, verð frá 9.990.000.

Ranger XL Double Cab 4x4 beinskiptur, verð frá 6.490.000.