Tekjur ríkissjóðs vegna bifreiðagjalda árið 2019 hækkuðu frá árinu áður, og hafa þar með hækkað milli ára öll síðustu 10 árin.
Hins vegar lækkuðu milli ára vanrækslugjöld sem lögð eru á bíleigendur sem trassa að fara með bíla sína í skoðun. Þykir það endurspegla aukna samviskusemi almennings við að láta skoða bíla sína.
Kemur þetta fram í nýrri árbók Bílgreinasambandsins (BGS). Þar má m.a. lesa, að fyrirtækjum innan bílgreina fjölgaði töluvert á síðasta ári, eða um 45, og voru þau flest á sviði viðgerða og viðhalds.