Sorglegt fráfall yngsta sonar Granger Smith

Sveitasöngvarinn Granger Smith var með óvænta tilkynningu á samfélagsmiðlum í gær þar sem hann greinir frá því að yngsti sonur hans og Amber, River Kelly Smith, hafi látist á heimili þeirra hjóna. Barnið var einungis þriggja ára að aldri og er dánarorsökin drukknun. 

Í tilkynningunni segir m.a.:

„Ég þarf að tilkynna að við höfum misst yngsta son okkar, River Kelly Smith. Hann lést af slysförum og þrátt fyrir að læknar reyndu sitt allra besta var ekki hægt að endurlífga hann. 

Amber og ég ákváðum að heiðra minningu hans með því að gefa líffæri hans til barna sem fá þá annað tækifæri í lífinu. Fjölskyldan er niðurbrotin en leitar huggunar í þeirri hugsun að hann er nú með sínum himneskum föður. Riv var sérstakur. Allir sem hittu hann fundu fyrir því. Það er erfitt að útskýra þá hamingju sem hann færði okkur fjölskyldunni og ljós hans mun lýsa upp hjörtu okkar um ókomna tíð. Ef ég ætti fleiri orð, þá myndi ég finna þau. Elskið þá sem eru ykkur næst. Við höfum aldrei upplifað erfiðari tíma.“

• Blogga um frétt