Spænska kóngafjölskyldan ferðast til Mallorca á sumrin eins og venjuleg fjölskylda frá Skandinavíu. Fjölskyldan hefur verið dugleg að leyfa ljósmyndurum að fylgjast með sér í fríinu eins og myndir AFP af kónginum Filippusi, drottningunni Letiziu og prinsessunum Leonor og Sofiu sýna.
Tenerife og Alicante hafa verið vinsælir áfangastaðir íslenskra barnafjölskyldna síðustu ár en fyrir nokkrum árum var Mallorca aðalmálið. Fólk sem hefur farið út fyrir sundlaugargarðinn á eyjunni veit að eyjan er algjör perla og það er greinilega eitthvað sem spænska kóngafjölskyldan kann að meta. Þar með sagt eru vistaverur fjölskyldunnar líklega aðeins flottari en þriggja stjörnu hótel með morgunmat þar sem þau dvelja alltaf í sumarhöll sinni í Palma.
Prinsessurnar sem eru fæddar 2005 og 2007 virðast ekki síður sáttar við sumarfríið en foreldrar þeirra.