Körfuboltamaðurinn Kobe Bryant skrásetti vörumerkið „Mambacita“ fyrir dóttur sína Giönnu 30. desember síðastliðinn. Þetta var eitt af þeim skrefum sem þau feðginin tóku í átt að körfuboltaferli Giönnu.

Kobe og Gianna létust í þyrluslysi í Calabasas í Bandaríkjunum á sunnudagsmorgun. Þau voru á leið á körfuboltaleik en þau deildu því áhugamáli saman.

Nafnið Mambacita vísar til gælunafns föður Giönnu, en Bryant var kallaður Black Mamba. Samkvæmt skjölum um vörumerkið ætluðu þau sér að merkja alls kyns íþróttafatnað með nafninu, boli, stuttbuxur, húfur, treyjur, buxur, peysur og hettupeysur.

Kobe var farinn að vísa til dóttur sinnar með nafninu á samfélagsmiðlum. Við myndband af henni á körfuboltavellinum í nóvember setti hann myllumerkið #Mambacita.

Tengdar fréttir

Kobe Bryant

Lögreglan sek um að dreifa myndum frá slysstað

• Frétti af andláti Bryants á samfélagsmiðlum
• Frú Bryant í mál vegna mynda af þyrluslysinu
• Lögsækir fyrirtækið sem átti þyrluna
• Íslensk skilaboð á minnisvarða Kobe Bryants

» Fleiri tengdar fréttir

• Blogga um frétt