Ofurfyrirsætan Gisele Bündchen á tvö börn með eiginmanni sínum, ruðningskappanum Tom Brady. Þar að auki á Brady eitt barn. Bündchen svaraði spurningum aðdáanda á Instagram og greindi frá því að hún væri ekki hrifin af orðinu stjúpmamma.
Bündchen greindi frá þessu þegar hún var spurð út í það hvernig það væri að vera stjúpmamma.
„Ég kann ekki við orðið „stjúpmamma“,“ sagði ofurfyrirsætan. „Mér finnst orðið „bónusmamma“ betra af því mér finnst þetta vera mikil blessun. Mér finnst ég vera heppin að hafa auka yndislegan lítinn engil í lífi mínu.“
Bündchen er ein vinsælasta fyrirsæta í heimi og eiginmaður hennar einn vinsælasti íþróttamaður í Bandaríkjunum. Það er mikið að gera á heimilinu en hún segist ekki vera með áhyggjur yfir tímaleysi.
„Ég held að við reynum bara að gera okkar besta að vera til staðar fyrir börnin þegar við erum með þeim,“ sagði Bündchen. „Ég held að þetta snúist ekki um tímafjölda. Mér finnst þetta snúast meira um gæði tímans.“
View this post on InstagramA post shared by Gisele Bündchen (@gisele) on Jun 16, 2019 at 10:02am PDT