Málshátturinn sjaldan fellur eplið langt frá eikinni á sérstaklega vel við hina 16 ára gömlu Apple Martin. Stúlkan er dóttir leikkonunnar Gwyneth Paltrow og fer ekki á milli mála að Apple eða Epli eins og nafn hennar myndi útleggjast á hinu ylhýra er dóttir móður sinnar.
Mæðgurnar eru nokkuð líkar eins og sjá má á myndunum sem Paltrow birti af dóttur sinni. Ljóst hár Apple og andlitsfallið minnir töluvert á Paltrow.
Paltrow á Apple með fyrrverandi eiginmanni sínum, Coldplay-söngvaranum Chris Martin. Apple átti afmæli í vikunni og birti móðir hennar þess vegna nokkrar myndir af henni á Instagram og lofsamaði dóttur sína.
„Ég er svo ótrúlega heppin að fá að vera móðir þín, þú fallega, ljúfa unga kona. Takk fyrir að velja mig. Ég dýrka þig alla leið til tunglsins og til baka trilljón sinnum,“ skrifaði Paltrow meðal annars um dóttir sína. Paltrow sagði leiðinlegt að dóttirin þyrfti að fagna þessu afmæli á meðan ástandið í heiminum væri eins og það er. Hún sæi þó alltaf það besta í öllum aðstæðum.
View this post on InstagramA post shared by Gwyneth Paltrow (@gwynethpaltrow) on May 14, 2020 at 1:28pm PDT