Breski sjónvarpsþáttastjórnandinn Amy Willerton segist hafa byrjað aftur með barn sitt á brjósti mánuðum eftir að hafa gefist upp. Hún segist hafa saknað tengingarinnar við barnið.
Dóttir Willerton heitir Demelza og er fimm mánaða gömul. „Ég hætti með hana á brjósti því hún virtist frekar vilja pela og fjölskyldan var ólm í að fá að gefa henni. Mér fannst ég sjálfselsk að hafa það af þeim. Mánuðir liðu og ég saknaði þess enn að gefa brjóst. Mér fannst þetta of mikilvægt til þess að afskrifa tilfinninguna og segja bara „kannski næst“. Þessir fordæmalausu tímar hafa sýnt okkur að kannski kemur ekki annað tækifæri og ég er enn með ungbarn. Ég fór því á netið og las mér allt til um málið og komst að því að það er hægt að byrja aftur. Þetta gengur þó brösulega þar sem barnið vill síður brjóstið og mjólkurframleiðslan er í lágmarki,“ segir Willerton um ákvörðun sína að byrja aftur að gefa brjóst en hvetur aðra í sömu hugleiðingum að láta á það reyna og halda í jákvæðnina.
View this post on InstagramA post shared by Amy Willerton (@missamywillerton) on Jul 1, 2020 at 12:23am PDT