Spænska prinsessan Leonor er komin í tveggja vikna sóttkví eftir að einn bekkjarfélaga hennar greindist með kórónuveiruna. 

Yngri systir Leonor, Sofia, er einnig komin í sóttkví. Systurnar munu þó halda áfram að „mæta“ í skólann í gegnum netið. Leonor er 14 ára og byrjaði í 10. bekk í Santa María de Los Rosales-skólanum í Madríd. Sofia er 13 ára og byrjaði í 9. bekk. 

Í tilkynningu frá spænsku konungsfjölskyldunni kemur fram að fjölskyldan fylgi öllum ráðleggingum yfirvalda í baráttunni gegn veirunni.

Filippus Spánarkonungur fylgdi dætrum sínum í skólann á fyrsta skóladeginum á miðvikudaginn síðastliðinn. Hann steig þó ekki út úr bílnum en foreldrum var ráðlagt að fara ekki út úr bílum sínum þegar þeir skutluðu börnunum í skólann.

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt