Arnór Dan Arnarson, söngvari hljómsveitarinnar Agent Fresco, og sambýliskona hans, Vigdís Hlíf Jóhönnudóttir, eignuðust dóttur hinn 17. október. Arnór greindi frá komu stúlkunnar á Instagram.
Arnór skrifaði fallega um hvernig kona hans stóð sig í fæðingunni þegar hún fæddi fallegu litlu heilbrigðu stelpuna þeirra. Hann segist enn ekki ná almennilega utan um upplifunina en veit þó eitt.
„Þær eru allt sem ég á og ég hef aldrei verið eins vongóður og núna,“ skrifaði Arnór og þakkaði ljósmæðrum Bjarkarinnar fyrir sinn þátt í fæðingunni.
Barnavefur mbl.is óskar nýbökuðu foreldrunum til hamingju með dótturina.