Foreldrar þurfa oft á tíðum að sæta gagnrýni annarra um hvernig þeir velja að ala upp börn sín. Gagnrýnin getur verið af öllum toga og særandi, til dæmis hversu mikinn skjátíma börnin fá, mataræði, fataval eða bara hvað sem er.
Rannsóknir hafa sýnt að flestar mæður upplifa gagnrýni á uppeldisaðferðir sínar og oft eru það foreldrar sem gagnrýna aðra foreldra. Það er mikilvægt að geta brugðist við slíkri gagnrýni á uppbyggilegan hátt. Hér eru nokkrar leiðir sem sérfræðingar mæla með:
Það getur verið erfitt að bregðast ekki við gagnrýni en stundum er það besta leiðin. Að leiða hjá sér gagnrýni dregur úr spennu og kemur í veg fyrir að úr verði árekstrar. Þá er ólíklegra að maður segi eitthvað sem maður mun svo sjá eftir. Ekki leyfa öðrum að eyðileggja daginn þinn. Segðu bara „ok“ og haltu áfram með lífið.
Stundum gæti verið viðeigandi að spyrja spurninga. Haltu ró þinni og spurðu af hverju þau finni hjá sér þörf fyrir að tjá sig um þínar uppeldisaðferðir. Með þessum hætti færðu kannski innsýn í þeirra sjónarmið og kannski munu þau framvegis skipta sér minna af öðrum.
Hugsaðu um barn þitt áður en þú bregst við. Ef það er nærri þegar einhver gagnrýnir þig skiptir máli að vera góð fyrirmynd og halda ró sinni. Auk þess sem þér gefst tækifæri til þess að einbeita þér að barninu og leiða hjá þér gagnrýnina.
Ef þú ert illa upplögð/lagður fyrir gagnrýni skaltu segja það. Segðu að ekki sé þörf á slíkri gagnrýni.
Þú veist hvernig tilfinning það er að fá á sig óþarfa gagnrýni og því ættir þú ekki að fara í sama farið. Vertu betri.