Alexandra Helga Ívarsdóttir náttúrukokkur á von á sínu fyrsta barni með landsliðsmanninum Gylfa Sigurðssyni. Alexandra býr á Englandi þar sem Gylfi spilar knattspyrnu. Hún kom til Íslands á dögunum og fagnaði meðal annars tilvonandi erfingja á sunnudaginn.
„Fékk svo fallegt mini shower frá mínum bestu í gær,“ skrifaði Alexandra í gærkvöldi á Instagram. Þá voru vinkonur hennar búnar að útbúa lítið steypiboð fyrir hana.
Ásamt því að fara í boðið skellti Alexandra sér í barnavöruverslunina Petit þar sem hún sagðist vera að kaupa barnavörur. Alexandra greindi frá því um helgina að hún væri komin á síðasta þriðjung meðgöngunnar.