Bandaríski NFL-leikmaðurinn Patrick Mahomes og kærasta hans og fótboltakonan Brittany Matthews eignuðust stúlku á dögunum. Parið eru miklir Íslandsvinir en þau bjuggu hér í nokkra mánuði árið 2017 þegar Matthews spilaði fótbolta með Aftureldingu/Fram í 2. deild.
Þetta er fyrsta barn parsins en litla stúlkan fékk nafnið Sterling Skye Mahomes.
Mahomes er ein skærasta stjarnan í bandarísku NFL-deildinni en hann er leikstjórnandi Kansas City Chiefs. Hann leiddi liðið til sigurs í Ofurskálinni á síðasta ári en liðið laut í lægra haldi fyrir Tampa Bay Buccaneers í Ofurskálinni 2021.